چەند هەفتەیەك لەمەوبەر تۆڕی كۆمەڵایەتی سناپچاتفلتەرێكی نوێی بۆ بەكارهێنەرانی بڵاوكردەوە كە بووەهۆی كۆكردنەوەی زۆرترین هەوادار، ئەو فلتەرەش بریتییە لە تاجێك كە كۆمەڵێك پەپولەی ئاڵتوونی لەسەر سەری بەكارهێنەرەكە دەردەكەون، بەڵام گرنگترین خەسڵەتی ئەم فلتەرە لە باریككردنەوەی دەموچاو و گەورەكردن و ڕووناككردنەوەی چاوەكاندا خۆی دەبینێتەوە، بەجۆرێك كە كەسی بەكارهێنەر زۆر جوانتر لە شێوەی ڕاستەقینەی خۆی دەردەكەوێت.
ئەو خانمانەی جیهان كە سناپچات بەكاردێنن، لە ئێستادا بەشێوەیەكی بەربڵاو دەستیان داوەتە بەكارهێنانی ئەم فلتەرە و بڵاوكردنەوەی وێنەكانیان، هاوكات زۆرێك لەو خانمانە دان بەو ڕاستیەدا دەنێن كە ئەم فلتەرە لە شێوەی ڕاستەقینەی خۆیان جوانتر نیشانیان دەدات، تەنانەت هەندێكیان ئەو فلتەری پەپولەیە بە هەڵخەڵەتێنەر ناو دەبەن.
بەهۆی ئەو گۆڕانكارییە گەورەیەی كە فلتەری پەپولە ئاڵتونیەكە لە ڕووخساریاندا دەیكات، زۆرێك لە بەكارهێنەرانی سناپچات ئەو وێنانە دەكەنە وێنەی پرۆفایلی ئەكاونتەكانی دیكەیان لە تۆڕە كۆمەڵایەتیە جیاوازەكانی وەك فەیسبوك و ئینستاگرام.
س.م
لێدوان لە بلۆگەر
لێدوان لە فەیسبووک